Այո, բանկը կարող է հիմք ընդունել վարկային կազմակերպության կողմից իրականացված ՀՊՈՒ միջոցառումների արդյունքները՝ հետևյալ պայմանների բավարարման դեպքում. • Բանկը պետք է վերջնական պատասխանատվություն կրի հաճախորդի պատշաճ ուսումնասիրության համար, • Բանկը պետք է վարկային կազմակերպությունից անմիջապես ստանա հաճախորդի, առկայության դեպքում նաև՝ լիազորված անձի և իրական շահառուի նույնականացման և ինքնության ստուգման, ինչպես նաև հաճախորդի գործարար բնութագրի, գործարքի կամ գործարար հարաբերության նպատակի և նախատեսվող բնույթի մասին տեղեկությունները, • Բանկը պետք է բավարար միջոցներ ձեռնարկի հավաստիանալու, որ վարկային կազմակերպությունը. ա. Իրավասու է և կարող է ըստ պահանջի անմիջապես տրամադրել հաճախորդի պատշաճ ուսումնասիրության արդյունքում ձեռք բերված տեղեկությունները, ներառյալ՝ փաստաթղթերի պատճենները, բ. ՓԼ/ԱՖ դեմ պայքարի տեuանկյունից ենթակա է պատշաճ կարգավորման ու վերահսկողության, ինչպես նաև ունի ՓԼ/ԱՖ դեմ պայքարի մասին ՀՀ օրենքով և դրա հիման վրա ընդունված իրավական ակտերով սահմանված՝ հաճախորդի պատշաճ ուսումնասիրության և տեղեկությունների պահպանման արդյունավետ ընթացակարգեր, գ. Չի գտնվում կամ բնակվում չհամապատասխանող երկրում կամ տարածքում կամ չհամապատասխանող երկրներից կամ տարածքներից չէ: