Պարտադիր տեղեկացման ենթակա գործարքների շեմերն են՝ կանխիկի հետ կապված գործարքներ՝ 5 միլիոն ՀՀ դրամ, անկանխիկ գործարքներ՝ 20 միլիոն ՀՀ դրամ, անշարժ գույքի առուվաճառքի գործարքներ՝ 50 մլն ՀՀ դրամ:

Կասկածելի գործարքների և գործարար հարաբերությունների վերաբերյալ հաշվետվություններ տրամադրվում են հաշվետու բոլոր անձանց կողմից՝ անկախ գործարքում ներգրավված գումարի չափից: Նշվածից բացառություն են կազմում թանկարժեք քարերի և մետաղերի դիլերները, որոնց համար հաշվետվություն տրամադրելու պարտականություն առաջանում է միայն 5 միլիոն ՀՀ դրամին հավասար կամ այն գերազանցող կանխիկ գործարքների դեպքում:

Ոչ, նոտարները պարտավոր են պարտադիր տեղեկացման և կասկածելի գործարքների վերաբերյալ հաշվետվություններ ներկայացնել միայն ստորև նշված գործարքների և գործարար հարաբերությունների նախապատրաստման կամ իրականացման վերաբերյալ՝ • Անշարժ գույքի առուվաճառք, • Հաճախորդի գույքի կառավարում, • Բանկային և արժեթղթային հաշիվների կառավարում, • Իրավաբանական անձանց հիմնադրման, գործունեության կամ կառավարման համար գույքի տրամադրում, • Իրավաբանական անձանց հիմնադրման, գործունեության կամ կառավարման գործառույթների իրականացում, • Իրավաբանական անձանց կանոնադրական կապիտալում բաժնեմասի օտարում (ձեռք բերում), կամ իրավաբանական անձանց անվանական կամ շուկայական արժեքով բաժնետոմսերի օտարում (ձեռք բերում):