Հաճախորդի պարզեցված ուսումնասիրության իրականացնելիս հաշվետվություն տրամադրող անձը հաճախորդի նույնականացման և ինքնության ստուգման համար պետք է ձեռք բերի հետևյալ տեղեկությունները. • Ֆիզիկական անձի համար՝ անունը, ազգանունը և անձը հաստատող փաստաթղթի տվյալները, • Իրավաբանական անձի համար՝ անվանումը և անհատականացման համարը (պետական գրանցման, հաշվառման համարը և այլն), • Պետական մարմնի և տեղական ինքնակառավարման մարմնի համար՝ լրիվ պաշտոնական անվանումը:

Ցածր ռիսկի դեպքում գործարար հարաբերության ընթացիկ պատշաճ ուսումնասիրության շրջանակներում հաշվետվություն տրամադրող անձը կարող է ձեռնարկել հետևյալ նվազեցված միջոցառումները. • Ստուգել գործարքի կամ գործարար հարաբերության առնչությամբ հաճախորդից պահանջվող տեղեկությունների (ներառյալ` փաստաթղթերի) իսկությունը և հավաստիությունը՝ հիմք ընդունելով հաճախորդի տրամադրած տեղեկատվությունը, • Համադրել հաճախորդի` միավոր ժամանակահատվածում տարբեր գործարքներով շրջանառող միջոցների աղբյուրները, շարժը և ծավալները միայն այն դեպքում, երբ դրանք գերազանցում են հաճախորդի գործարար բնութագրի տեսանկյունից ողջամիտ գումարային սահմանաչափը, • Պարզել հաճախորդների, գործարքների և գործարար հարաբերությունների միջև կապերի առկայությունը միայն այն դեպքում, երբ ի հայտ են եկել միջին (ստանդարտ) կամ բարձր ռիսկայնության հաճախորդների, գործարքների կամ գործարար հարաբերությունների հետ կապեր: