Հաշվետվություն տրամադրող անձը գործարքի կամ գործարար հարաբերության առնչությամբ հաճախորդից պահանջվող տեղեկությունների (ներառյալ` փաստաթղթերի) իսկությունը և հավաստիությունը ստուգելիս պահանջում է անհրաժեշտ տեղեկություններ (ներառյալ` լրացուցիչ փաստաթղթեր), օգտվում է տեղեկատվության սահմանափակ մատչելիությամբ և հանրամատչելի աղբյուրներից, կատարում է հարցումներ հնարավոր մեծ թվով իրավասու մարմինների և այլ հաշվետվություն տրամադրող անձանց, ինչպես նաև օտարերկրյա գործընկերներին:

Հաճախորդի հավելյալ պատշաճ ուսումնասիրության իրականացնելիս հաշվետվություն տրամադրող անձը պարտավոր է ի լրումն հաճախորդի պատշաճ ուսումնասիրության ձեռնարկել հետևյալ միջոցառումները. • Ստանալ ավագ ղեկավարության համաձայնությունը, • Ձեռնարկել անհրաժեշտ միջոցառումներ՝ հաճախորդի եկամուտների և ունեցվածքի աղբյուրը պարզելու համար, • Հնարավորին չափ մանրամասն ուսումնասիրել գործարքի կամ գործարար հարաբերության նախապայմանները և նպատակը, • Քաղաքական ազդեցություն ունեցող անձի դեպքում իրականացնել ընթացիկ հավելյալ դիտանցում:

Հաշվետվություն տրամադրող անձի կողմից միավոր ժամանակահատվածում հաճախորդի տարբեր գործարքներով շրջանառող միջոցների աղբյուրների, շարժի և ծավալների համադրումը պետք է կատարվի ոչ ուշ, քան վեց ամիսը մեկ անգամ, բացառությամբ քաղաքական ազդեցություն ունեցող անձանց, որոնց դեպքում նման համադրում պետք է կատարվի ոչ ուշ, քան երեք ամիսը մեկ անգամ: