Ցանկերում ներառված անձինք լիազոր մարմնից սառեցված գույքին հասանելիություն պահանջելու իրավունք ունեն, երբ դա անհրաժեշտ է հիմնական կարիքների, որոշակի տեսակի վճարումների, ծախսերի ու սպասարկման վճարների կամ չնախատեսված ծախսերի կատարման համար, որոնք թվին են պատկանում. • Անհրաժեշտ հիմնական կարիքների ծախսերը, ներառյալ՝ սննդի, վարձակալության, հիփոթեքի, դեղորայքի և բուժման, հարկերի, ապահովագրավճարների, կոմունալ ծառայությունների դիմաց վճարումների, ինչպես նաև մասնագիտական, այդ թվում՝ իրավաբանական ծառայությունների դիմաց բացառապես ողջամիտ վճարների, սառեցված գույքի պահպանման և սպասարկման հետ կապված ծախսերը, • Անհրաժեշտ չնախատեսված ծախսերը:

ՄԱԿ ԱԽ-ի բանաձևերով կամ դրանց համաձայն հրապարակված ցանկերում ներառված անձանց սառեցված գույքի հաշվին դեղորայքի և բուժման հետ կապված ծախսերի դիմաց վճարումները նրանց հաշիվներից կատարվում են Հայաստանի Հանրապետության արտաքին գործերի նախարարության կողմից ՄԱԿ ԱԽ համապատասխան հանձնաժողովին ուղարկված ծանուցման ստացման օրվանից ՄԱԿ ԱԽ-ի կողմից սահմանված ժամկետում մերժում չստանալու դեպքում: