Ցանկում ներառված անձն իրավունք ունի դիմել լիազոր մարմնին՝ իրեն ցանկից հանելու համար, եթե կարծում է, որ չի համապատասխանում կամ այլևս չի համապատասխանում ցանկում ներառելու չափանիշներին:

Ցանկերից հանելու վերաբերյալ դիմումը համարվում է ոչ ամբողջական կամ թերի, եթե չի պարունակում դիմումատուին վերաբերող բոլոր տեղեկությունները:

Ցանկերից հանելու վերաբերյալ դիմումը ստանալուց հետո լիազոր մարմինն այն քննարկում է մեկամսյա ժամկետում։ Մեկամսյա ժամկետը կարող է երկարաձգվել ոչ ավել, քան մեկ ամսով, եթե, լրացուցիչ տեղեկությունների ձեռք բերման անհրաժեշտությունից ելնելով, լիազոր մարմինը հարցում(ներ) է կատարում օտարերկրյա իրավասու մարմիններին:

Ցանկերից հանելու վերաբերյալ դիմումը բավարարելու դեպքում, այն բավարարելու օրվանից երկօրյա ժամկետում լիազոր մարմինը դիմումը ներկայացրած անձին հանում է ցանկերից և այդ մասին տեղեկություն է հրապարակում լիազոր մարմնի պաշտոնական կայքում: