Գործարքը կամ գործարար հարաբերությունը կասկածելի որակելու գործընթացը սկսելու հիմքերն են՝ • Ներքին ազդակները, • Արտաքին ազդակները, • Ներքին դիտարկումների մարմնի նախաձեռնությունը:

Ներքին դիտարկումների մարմինը գործարքը կամ գործարար հարաբերությունը կասկածելի որակելու գործընթաց սկսում է, եթե. • Առկա է հնարավոր համընկնում հաճախորդի կամ գործարքի մյուս կողմի տվյալների և ահաբեկչության հետ կապված անձանց կամ լիազոր մարմնի հանձնարարականներում նշված այլ անձանց նույնականացման տվյալների միջև. • Դիտարկվող իրավիճակը ամբողջությամբ կամ մասամբ համապատասխանում է կասկածելի գործարքի կամ գործարար հարաբերության չափանիշներին կամ տիպաբանություններին. • Կնքված կամ առաջարկվող գործարքի կամ գործարար հարաբերության կատարման տրամաբանությունը, շարժը (դինամիկան) կամ այլ հանգամանքներ հիմք են տալիս ենթադրելու, որ այն կարող է իրականացվել ՓԼ/ԱՖ նպատակով. • Առկա են ներքին իրավական ակտերով սահմանված՝ գործարքի կամ գործարար հարաբերության կասկածելիության մասին վկայող այլ հանգամանքներ:

Պնդումը սխալ է: ՆԴՄ-ն կարող է գործարքը կամ գործարար հարաբերությունը կասկածելի որակելու մասին տեղեկացնել հաշվետվություն տրամադրող անձի գործադիր մարմնին և խորհրդին, եթե դա նախատեսված է ներքին իրավական ակտերով, սակայն դա կարող է կատարվել միայն լիազոր մարմնին ԿԳՀ տրամադրելուց հետո: