Հաշվետվություն տրամադրող անձը պարտավոր է դիտարկել գործարքը կամ գործարար հարաբերությունը կասկածելի որակելու և այդ մասին հաշվետվություն ներկայացնելու հարցը, երբ. • Դիտարկվող իրավիճակը ամբողջությամբ կամ մասամբ համապատասխանում է կասկածելի գործարքի կամ գործարար հարաբերության չափանիշներին կամ տիպաբանություններին, կամ • Գործարքի կամ գործարար հարաբերության կատարման տրամաբանությունը, շարժը (դինամիկան) կամ այլ հանգամանքներ հիմք են տալիս ենթադրելու, որ այն կարող է իրականացվել ՓԼ/ԱՖ նպատակով, կամ • Հնարավոր չէ իրականացնել հաճախորդի պատշաճ ուսումնասիրության հետ կապված պարտականությունները, կամ • Հաշվետվություն տրամադրող անձը լիազոր մարմնից ստացել է գործարքի կամ գործարար հարաբերության իրականացման մերժման կամ դադարեցման հանձնարարական, կամ • Դրամական փոխանցում իրականացնող ֆինանսական հաստատությունը մերժել է. o 400 հազար ՀՀ դրամին հավասար կամ դրան գերազանցող գումարով անդրսահմանային դրամական փոխանցման որևէ պահանջ, որի կապակցությամբ բացակայում են փոխանցում կատարողի և փոխանցումն ստացողի անունը, ազգանունը կամ անվանումը, հաշիվների համարները, ինչպես նաև փոխանցում կատարողի անձը հաuտատող փաuտաթղթի տվյալները (իրավաբանական անձի դեպքում՝ անհատականացման համարը), կամ o 400 հազար ՀՀ դրամը չգերազանցող անդրսահմանային դրամական փոխանցման որևէ պահանջ, որի կապակցությամբ բացակայում են փոխանցում կատարողի և փոխանցումն ստացողի անունը, ազգանունը կամ անվանումը և հաշիվների համարները:

Ոչ, կասկածելի գործարքների մասին հաշվետվությունները ներկայացվում են անկախ գործարքի գումարի չափից, բացառությամբ թանկարժեք քարերի և մետաղերի դիլերների դեպքում, որոնց համար կասկածելի գործարքի վերաբերյալ հաշվետվություն տրամադրելու պարտականություն առաջանում է միայն 5 միլիոն ՀՀ դրամը գերազանցող կանխիկ գործարքների դեպքում

Այդպիսի դեպքեր չկան, քանի որ կասկածների բացահայտումն արգելված է օրենքով: Ըստ այդմ, հաշվետվություն տրամադրող անձն իրավասու չէ հաճախորդին կամ ցանկացած այլ անձի տեղեկացնել լիազոր մարմնին ԿԳՀ կամ այլ տեղեկություն տրամադրելու մասին:

ԿԳՀ-ն պետք է ներկայացվի դրա տրամադրման պարտավորությունը ծագելու դեպքում` նույն աշխատանքային oրվա ընթացքում, իuկ դրա անհնարինության դեպքում` մինչև հաջորդ աշխատանքային oրվա ժամը 12:00-ը: