Ներածություն
Սույն թեմայի շրջանակներում ներկայացվում են գործառնությունների և հաճախորդների որոշակի տեսակներ, որոնք ՓԼ/ԱՖ տեսանկյունից առավել խոցելի են և պետք է ենթարկվեն ավելի խիստ կարգավորման ու վերահսկողության: Այս նպատակով հաշվետվություն տրամադրող անձինք, ելնելով իրենց սեփական ռիսկերի գնահատումից, պետք է մշակեն, ներդնեն և կիրառեն համապատասխան իրավական ակտեր, որոնք կսահմանեն նման գործառնություններից և հաճախորդների առանձին տեսակներից բխող ռիսկերի բացահայտման, կանխարգելման և զսպման, ինչպես նաև հավելյալ պատշաճ ուսումնասիրություն իրականացնելու ընթացակարգեր: